ශ්‍රී ලංකා පොදුජන පෙරමුණේ ජනාධිපති අපේක්‍ෂක හිටපු ආරක්‍ෂක ලේකම් ගෝඨාභය රාජපක්ෂ මහතා ඝාතනය කිරීම සඳහා කුමන්ත්‍රණයක් ක්‍රියාත්මක බව පොලිස් ත‍්‍රස්ත විමර්ශන ඒකකය භාරයේ පසුවන පලෙයි රෝහලේ අධිකරණ වෛද්‍ය නිලධාරී සින්නයියා සිවරූබන් හෙළිකර තිබේ යනුවෙන් මාධ්‍ය බොහොමයක් මඟින් වාර්තා කර තිබෙනු දක්නට ලැබුණි.
මෙම පුවත ප්‍රධාන ධාරාවේ මාධ්‍ය ආයතන කිහිපයකම පළකර තිබුණු අතර පසුව සමාජ මාධ්‍ය හරහාද මෙම පුවත හුවමාරු වී තිබෙනු දක්නට ලැබුණි
එම පුවත දිවයින පුවත්පතේ පළකර තිබු අයුරු
| Divaina News Link | Archived Link |
Neth News සග Siyatha News මඟින් මෙම පුවත මෙසේ පළකර තිබුණි
| Neth News Facebook Link | Archived Link |
| Siyatha FM Web | Archived Link |
ජන සටනට පණ පොවමු-Jana Satanata Pana Powamu , ෆේස්බුක් පිටුව මඟින්ද මෙම පුවත මෙසේ පළකර තිබුණි.
| Facebook Post Link | Archived Link |
@22Dinuk ට්විටර් ගිණුම හරහාද මෙම පුවත මෙසේ පළකර තිබෙනු දක්නට ලැබුණි
| Twitter Post | Archived Link |
Fact Check (සත්‍ය තොරතුරු විමර්ශනය කිරීම)
ශ්‍රී ලංකා පොදුජන පෙරමුණේ ජනාධිපති අපේක්‍ෂක හිටපු ආරක්‍ෂක ලේකම් ගෝඨාභය රාජපක්ෂ මහතා ඝාතනය කිරීම සඳහා විදේශගත කොටි ඩයස්පෝරාව විසින් දකුණේ පාතාලයට විශාල වශයෙන් මුදල් ලබා දී තිබෙන බව පොලිස් ත‍්‍රස්තවාදී විමර්ශන ඒකකය භාරයේ පසුවන පලෙයි රෝහලේ අධිකරණ වෛද්‍ය නිලධාරී සින්නයියා සිවරූබන් හෙළිකර තිබේ යයි මාධ්‍ය වාර්තා කර තිබිණ.
එහෙත් පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා නිකුත් කළ නිවේදනයක දැක්වෙන්නේ ගෝඨාභය රාජපක්ෂ මහතා ඝාතනය කිරීමේ සූදානමක් පැවැති බවට පලෙයි රෝහලේ දී අත්අඩංගුවට ගත් වෛද්‍යවරයා පාපොච්ඡාරණය කළ බවට වාර්තා තොරතුරු වල සත්‍යතාවක් නොමැති බවයි.
එසේම අත්අඩංගුවට පත් වෛද්‍ය නිලධාරී සින්නයියා සිවරූබන් නැමැති සැකකරු මේ දක්වා ඒ සම්බන්ධව කිසිම ප්‍රකාශයක් හෝ පාපොච්ඡාරණයක් කර නොමැති බවත් පොලිස් මාධ්‍ය ප්‍රකාශකවරයාගේ නිවේදනයේ දැක්වෙයි.
| Twitter Post | Archived Link |
පොලිස් මුලස්ථානය විසින් මේ සිද්ධිය පිළිබඳව පළ කරන ලද පහත දැක්වෙන නිල නිවේදනයේද පැහැදිලිවම සඳහන් කර තිබුණේ පලෙයි රෝහලේ දී අත්අඩංගුවට ගත් වෛද්‍යවරයා පාපොච්ඡාරණය කළ බවට වාර්තා වන තොරතුරු වල සත්‍යතාවක් නොමැති බවයි.
පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතාගේ ප්‍රකාශය පෙන්වාදෙමින් ඉහත සිද්ධිය සම්පූර්ණයෙන්ම සාවද්‍ය බව පුවත්පත් හා විද්‍යුත් මාධ්‍ය බොහොමයක් ඔස්සේද කරුණු දක්වා තිබුණේ මෙලෙසිනි.
| අද පුවත්පත් වාර්තාව | Archived Link |
පොලිස් මාධ්‍ය ප්‍රකාශක රුවන් ගුණසේකර මහතා ඉහත සිද්ධිය සම්බන්ධයෙන් කරුණු දැක්වූ නිල සම්මුඛ සාකච්ඡාවේ කොටසක් පහත පරිදි දැක්විය හැක . (අද දෙරණ )
අවසාන නිගමනය
අපගේ විමර්ශනයෙන් පැහැදිලි වන්නේ ගෝඨාභය රාජපක්ෂ මහතා ඝාතනය කිරීම සඳහා කුමන්ත්‍රණයක් ක්‍රියාත්මක බව පලෙයි රෝහලේ අධිකරණ වෛද්‍ය නිලධාරීයා හෙළිකර තිබේ යනුවෙන් පළවූ මාධ්‍ය වාර්තා අසත්‍ය බවයි.
ශ්‍රී ලංකා පොදුජන පෙරමුණේ ජනාධිපති අපේක්‍ෂක හිටපු ආරක්‍ෂක ලේකම් ගෝඨාභය රාජපක්ෂ මහතා ඝාතනය කිරීම සඳහා විදේශගත කොටි ඩයස්පෝරාව විසින් දකුණේ පාතාලයට විශාල වශයෙන් මුදල් ලබා දී තිබෙන බව පොලිස් ත‍්‍රස්තවාදී විමර්ශන ඒකකය භාරයේ පසුවන පලෙයි රෝහලේ අධිකරණ වෛද්‍ය නිලධාරී සින්නයියා සිවරූබන් හෙළිකර තිබේ යයි මාධ්‍ය වාර්තා කිහිපයකම සඳහන් වී තිබුණි.
එහෙත් පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා අගෝස්තු 29 නිකුත් කළ නිවේදනයක දැක්වෙන්නේ ගෝඨාභය රාජපක්ෂ මහතා ඝාතනය කිරීමේ සූදානමක් පැවැති බවට පලෙයි රෝහලේ දී අත්අඩංගුවට ගත් වෛද්‍යවරයා පාපොච්ඡාරණය කළ බවට වාර්තා වන තොරතුරු වල සත්‍යතාවක් නොමැති බවයි.
අත්අඩංගුවට පත් වෛද්‍ය නිලධාරී සින්නයියා සිවරූබන් නැමැති සැකකරු මේ දක්වා ඒ සම්බන්ධව කිසිම ප්‍රකාශයක් හෝ පාපොච්ඡාරණයක් කර නොමැති බවත් පොලිස් මාධ්‍ය ප්‍රකාශකවරයාගේ නිවේදනයේ තවදුරටත් දැක්වෙයි.
