ශ්‍රී ලංකාවේ හිටපු ක්‍රිකට් ක්‍රීඩක කුමාර් සංගක්කාර ඉදිරියේදී එක්සත් ජාතික පක්‍ෂයෙන් දේශපාලනයට පිවිසීමේ සූදානමක් ඇති බවට හැඟෙන ඡායාරූපයක් සහිත ප‍්‍රවෘත්තියක් සැප්තැම්බර් 2 වනදා සිට සමාජ මාධ්‍ය හරහා හුවමාරු විය.
අනුගාමිකයන් (followers) 22,000 පමණ සිටින Sirikotha Mandiraya ෆේස්බුක් පිටුව හරහා කුමාර් සංගක්කාර දේශපාලනයට එකතුවන බවට හැඟෙන ඡායාරූපයක් පළකර තිබුනා. පසුව සමාජ මාධ්‍ය හරහාද මෙම පුවත හුවමාරු විය.
එහි වැඩි දුරත් මෙසේ සඳහන්ව තිබුනා.
“ සිංහල බෞද්ධ ජාතිවාදය පරදා සාධාරණ සමාජයක් වෙනුවෙන් වෙනසක් කිරීමට සූදානම් ඔහු… නීතීඥ කුමාර සංගක්කාර. රටේ අනාගත බලාපොරොත්තුව ”
මීට පෙරද අවස්ථා කිහිපයකදීම කුමාර් සංගක්කාර දේශපාලනයට පිවිසෙන බවටත් , ජනාධිපතිවරණයට තරඟ කරන බවට පුවත් සමාජ මාධ්‍ය හරහා හුවමාරු විය.
| Facebook Post | Archived Link |
| Facebook Post | Archived Link |
Fact Check (සත්‍ය තොරතුරු විමර්ශනය කිරීම)
ශ්‍රී ලංකාවේ හිටපු ක්‍රිකට් ක්‍රීඩක කුමාර් සංගක්කාර දේශපාලනයට එකතුවන බවට සමාජ මාධ්‍ය හරහා සංසරණය වන පුවත් සාවද්‍ය බව ඔහු පවසනවා. ඒ සම්බන්ධයෙන් අදහස් දක්වමින් ඔහු ප්‍රකාශ කර තිබුනේ දේශපාලනයට පිවිසීමට තමාගේ කිසිඳු සූදානමක් නොමැති බවයි.
ෆේස්බුක් පිටු හරහා සහ වෙනත් සමාජ මාධ්‍ය හරහා කුමාර් සංගක්කාර දේශපාලනයට එකතුවන බවට හැඟෙන ඡයාරූපයක් සහිත ප‍්‍රවෘත්තියක් සැප්තැම්බර් 2 වනදා සිට හුවමාරු විය.
සැප්තැම්බර් 3 වනදා කුමාර් සංගක්කාර තම නිල ෆේස්බුක් සහ ට්විටර් ගිණුම හරහා ප්‍රකාශයක් නිකුත් කරමින් පැවසුවේ තමා දේශපාලනයට එකතුවන බවට සමාජ මාධ්‍ය හරහා සංසරණය පුවත් සත්‍යයෙන් තොර බවයි.
| Offical Twitter Post | Archived Link |
Please ignore pictures circulating on Sri Lankan social media about my entry into politics. It’s fake news.
— Kumar Sangakkara (@KumarSanga2) September 3, 2019
| Facebook Post | Archived Link |
කුමාර් සංගක්කාරගේ මෙම පැහැදිලි කිරීම වෙබ් අඩවියක් ඔස්සේද මෙසේ පළ කර තිබුණි. ( Neth Gossip)
මීට පෙරද අවස්ථා කිහිපයකදීම (2018) කුමාර් සංගක්කාර දේශපාලනයට පිවිසෙන බවටත් , ජනාධිපතිවරණයට තරඟ කරන බවට පුවත් සමාජ මාධ්‍ය හරහා හුවමාරු විය. ඒ සෑම අවස්තවකදීම ඔහු එම අසත්‍ය පුවත් ප්‍රතික්ෂේප කරමින් ප්‍රකාශ නිකුත් කරනු ලැබුවා.
| 2018 Dailymirror Post | Archived Link |
අවසාන නිගමනය
අපගේ විමර්ශනයෙන් පැහැදිලි වන්නේ ශ්‍රී ලංකාවේ හිටපු ක්‍රිකට් ක්‍රීඩක කුමාර් සංගක්කාර දේශපාලනයට එකතුවන බවට සමාජ මාධ්‍ය හරහා සංසරණය මෙම දිනවල පළවන පුවත් සත්‍යයෙන් තොර බව බවයි.
ඒ සම්බන්ධයෙන් අදහස් දක්වමින් ඔහු ප්‍රකාශ කර තිබුනේ දේශපාලනයට පිවිසීමට තමාගේ කිසිඳු සූදානමක් නොමැති බවයි.
.container { border: 2px solid #000; background-color: #eee; border-radius: 5px; padding: 16px; margin: 16px 0 } .container::after { content: “”; clear: both; display: table; } .container img { float: left; margin-right: 20px; border-radius: 50%; } .container span { font-size: 20px; margin-right: 15px; } @media (max-width: 500px) { .container { text-align: center; } .container img { margin: auto; float: none; display: block; } }
Title:කුමාර් සංගක්කාර එක්සත් ජාතික පක්‍ෂයෙන් දේශපාලනයට පිවිසීමේ සූදානමක්?
Fact Check By: Sathyajith SubasingheResult: False
