කොරෝනා වෛරසය ආසාදනය වී ප්‍රතිකාර ලබමින් සිටි රැඳවියකු, ජුලි 24 වන දින IDH රෝහලෙන් පළා ගොස් තිබිණ. පසුව එසේ පැන ගිය රැඳවියා සොයා විශේෂ පොලිස් කණ්ඩායම් කිහිපයක් සහ යුධ හමුදා බුද්ධි අංශ ඇතුළු කණ්ඩායම් රැසක් යොදවා සෝදිසි මෙහෙයුම් දියත් කෙරින. පසුව IDH රෝහලෙන් පළා ගිය කොරෝනා ආසාදිත කන්දකාඩු රැඳවියා කොළඹ ජාතික රෝහල් පරිශ්‍රයේදී සොයා ගෙන නැවත IDH රෝහල වෙත පිටත් කර යවන ලදී.
මත්ද්‍රව්‍ය වලට ඇබ්බැහි වූ කොරෝනා ආසාදිතයෙකු රෝහලෙන් පළායාමේ සිද්ධියෙන් පසු, රෝහල්වලින් රෝගීන් පළායාමේ සිද්ධීන් නැවත ඇති නොවීමට අවශ්‍ය ක්‍රියාමාර්ග ගෙන ඇති බවට ද වාර්තා පලවී තිබුණා.
මෙවන් වාතාවරණයක් තුල “කොරෝනා යයි සැක තවත් පුද්ගලයෙක් IDH රෝහලෙන් පලා යයි.. වහා අල්ලන්නැයි රට පුරා පොලිසිවලට නියෝග” යනුවෙන් සදහන් සටහන් සමාජ මාධ්‍ය ඔස්සේ ජුලි මස 25 දින උදැසන සිට හුවමාරු වෙමිණ පවතී.
එසේ සමාජ මාධ්‍ය තුල හුවමාරුවෙමින් පවතින සටහනක් පහතින්.
| Facebook Link | Archived Link |
ට්විටර් සටහනක් පහතින්.
| Twitter Link | Archived Link |
වෙබ් අඩවි කිහිපයකම මෙම පුවත හුවමාරු කරගෙන තිබුණේද මෙලෙසින්
| Website Link | Archived Link |
Fact Check (සත්‍ය තොරතුරු විමර්ශනය කිරීම)
පලවන පුවත සම්බන්දයෙන් අප Google News හරහා සිංහල සහ ඉංග්‍රීසි බසින් නිරීක්ෂණය කළෙමු. එහිදී එම පුවත සම්බන්දයෙන් ප්‍රධාන ධාරාවේ මාධ්‍ය කිසිදු පුවතක් වාර්තාකර නොතිබුණු බව පැහැදිලිවිය. “Lanka C News” වෙබ් අඩවිය සහ වෙනත් වෙබ් අඩවි කිහිපයක් මේ සම්බන්ද පුවත් පළකර තිබිණ.
| Google News Search |
අප පොලිස් මාධ්‍ය ඒකකයේ නිල පිටුව නිරීක්ෂණය කල අතර, එහිද මේ සම්බන්දයෙන් නිවේදනයක් නොතිබු අතර ජුලි මස 24 වැනි දින IDH රෝහලෙන් පලාගිය තැනැත්තා සොයා ගැනීමේ සාර්ථක මෙහෙයුම ගැන පොලිස් මාධ්‍ය ප්‍රකාශයක තුමා සිදුකරන ලද නිල ප්‍රකාශයක්ද අපට මෙසේ දැකගනන්ට ලැබුනා.
පොලිස් මාධ්‍ය ප්‍රකාශයක ජ්‍යෙෂ්ඨ පොලිස් අධීකාරි ජාලිය සේනාරත්න මහතාගෙන් මෙසේ නැවතත් කොරෝන යැයි සැකසහිත රෝගියෙකු IDH රෝහලෙන් පලා යාම පිළිබඳව විමසීමක් කල අතර, ඔහු විසින් එවැනි සිදුවීමක් මේ දිනවල වාර්තා නොවුන බව (ජුලි 25) සදහන් කර සිටියා.
පලවන පුවත සම්බන්දයෙන් අප IDH රෝහලේ අධ්‍යක්ෂක තුමාගෙන් කල විමසීමකදී ඔහු පවසා සිටියේද මෙසේ තවත් රෝගියෙකු IDH රෝහලෙන් පලායාම සම්බන්ධයෙන් පලවන පුවත සම්පුර්ණයෙන්ම අසත්‍ය බවයි.
මේ සම්බන්ධයෙන් වෙබ් නෙත් නිවුස් වෙබ් අඩවියේද වාර්තාවක් පලවී තිබුනේ මේ අයුරින්.
Conclusion (අවසාන නිගමනය)
අපගේ විමර්ශනයෙන් පැහැදිලි වන්නේ ” කොරෝනා යයි සැක තවත් පුද්ගලයෙක් IDH රෝහලෙන් පලා යයි.. වහා අල්ලන්නැයි රට පුරා පොලිසිවලට නියෝග” යනුවෙන් දෙවන වරටත් IDH රෝහලෙන් රෝගියෙකු පලායාම සම්බන්ධයෙන් සමාජ මාධ්‍ය තුල හුවමාරුවන සටහන් සම්පුර්ණයෙන්ම අසත්‍ය බවයි.
