කුමාර ධර්මසේන, හිටපු ක්‍රිකට් ක්‍රීඩකයා සහ වත්මන් ක්‍රිකට් විනිසුරුවරයා, සම්බන්ධව විවිධ ප්‍රචාර පසුගිය කාලය තුළ සමාජ ජාලා හරහා පැතිරුණා.මේ ඔහු හා සම්බන්ධව පැතිරුණු නොමග යවනසුලු සමාජ ජාල සටහනක් සම්බන්ධයෙන් අප සිදුකළ විමසා බැලීමක්..
සමාජ ජාලා සටහන්
ෆේස්බුක් පිටුවක් මගින් කුමාර ධර්මසේනගේ ඡායාරූපයක් සමග ඔහු සිදුකළ ප්‍රකාශයක් ලෙස සටහනක් අන්තර්ජාලයට එක්කර තිබුණේ පහත ආකාරයෙන් .
“88/89 අම්මා තාත්තා මරපු උන්ට කතිරය ගහන්න අපේ මොලේ අමාරුවක් නැහැ.”-කුමාර ධර්මසේන
මේ හා සමාන සටහන් පසුගිය වසරේ දෙසැම්බර් මාසයේ මුලදීද ෆේස්බුක් අවකාශය තුළ පැතිර පැවති ආකාරයක් නිරීක්ෂණය කිරීමට අපට හැකිවුණා.
මෙම ප්‍රකාශයේ පවතින කුතුහලජනක ස්වභාවය නිසා මේ පිළිබදව ගවේෂණයක් කිරීමට අප තීරණය කළා.
Fact Check : සත්‍ය තොරතුරු විමසා බැලීම.
අප මුලින්ම සිදුකලේ ප්‍රධාන ධාරාවේ මාධ්‍යවල ඔහු විසින් සිදුකළ මෙවැනි ප්‍රකාශයක් පිළිබදව කරුණු සටහන්ව ඇතිද යන කාරණයයි.එහිදී අපට දැකගන්නට ලැබුණේ ඔහු විසින් එවැනි ප්‍රකාශයක් සිදු කර නොමැති බවයි.
ඉන්පසුව අප ක්‍රිකට් විනිසුරුකුමාර ධර්මසේනගෙන්ද මේ පිළිබදව විමසා බැලුවා.එහිදී ඔහු පැවසුවේ සමාජ ජාල හරහා තමන් ප්‍රකාශ කළ බවට විවිධ ප්‍රචාර පැතිර ගියද තමන් එවැනි ප්‍රකාශයක් සිදු කර නොමැති බවයි.තමන් දේශපාලනයට එන බවටද විවිධ ප්‍රචාර සමාජ ජාල හරහා පැතිර ගියද ඒ පිළිබදව තම මතය සිය නිළ ෆේස්බුක් පිටුව හරහා දක්වා ඇති බවත් ඔහු පැවසුවා.
ඉන් අනතුරව අප අවධානය යොමුකළේ ඔහුගේ නිළ ෆේස්බුක් පිටුව වෙතයි.එහිදී ඔහු දේශපාලනය පිළිබදව දක්වා තිබුණේ මෙවන් අදහසක්.
කුමාර ධර්මසේනගේ දෙමව්පියන් පිලිබදවද අප කරුනු සොයා බැලු අතර 2010 වසරේදී ඔහුගේ පියා මියගොස් තිබූ අතර ඒ සම්බන්ධයෙන් පළවුණු මාධ්‍ය වාර්තාවක් පහතින් .
අපගේ කරුණු විමසීම් පිළිබඳ තොරතුරු දැන ගැනීමට එක්වන්න.
Facebook | Twitter | Instagram | Google News
Conclusion (අවසාන නිගමනය)
අපවිසින් සිදු කරන ලද ගවේෂණයේදී තහවුරු වූයේ දෙමාපියන් 88/89 සමයේදී ඝාතනය කළ නිසා ජවිපෙට ඡන්දය ලබානොදෙන බවට ප්‍රකාශයක් ක්‍රිකට් විනිසුරු කුමාර ධර්මසේන විසින් සිදු කර නොමැති බවයි.ඒ බව ඔහු විසින්ද තහවුරු කළා.
Also Read: Facebook ඔස්සේ Viarl වුණේ කුමාර ධර්මසේනගේ සටහනක්ද?
