අපගේ WhatsApp නාලිකාවට දායක වන්න
දුම්රිය යනු රට පුරා සිටින මිනිසුන් සම්බන්ධ කරන ශ්‍රී ලංකාවේ අත්‍යවශ්‍ය ප්‍රවාහන මාධ්‍යයකි. කෙසේ වෙතත්, නොමඟ යවන සමාජ මාධ්‍ය පෝස්ට් සමහර විට දුම්රිය මෙහෙයුම් පිළිබඳ කරුණු විකෘති කරන අතර එය මහජනතාව වැරදි වැටහීමක් ඇති කරයි.
නිදසුනක් වශයෙන්, මෑතදී සමාජ ජාලාවල බහුලව පැතිරුණු වීඩියෝවක් අසත්‍ය ලෙස ප්‍රකාශ කරන ලද්දේ දුම්රිය රියදුරෙකු වගකීම් විරහිතව ආහාර මිලදී ගැනීම සඳහා දුම්රිය හරස් මාර්ගයක නතර කිරීම නිසා ගමනාගමනය නතර වූ බවයි. මේ ඒ පිළිබඳව අපගේ විමර්ශනයයි.
සමාජ මාධ්‍ය සටහන් :
ආහාර මිලදී ගැනීම සඳහා දුම්රිය හරස් මාර්ගයක් මැද දුම්රිය රියදුරෙකු වගකීම් විරහිතව දුම්රියක් නවතා රථවාහන තදබදයක් ඇති කළ බව සමාජ ජාලාවල බහුලව පැතිරුණු වීඩියෝවක් මගින් කියවුණා
WhatsApp ඔස්සේ ද මෙම සටහන් බහුලව හුවමාරු වී තිබුණා.
අපි මේ ගැන කරුණු පරීක්‍ෂාවක් කරන්න තීරණය කළා.
Fact Check (සත්‍ය තොරතුරු විමර්ශනය කිරීම):
සමාජ මාධ්‍යවල සංසරණය වන වීඩියෝවක දැක්වෙන්නේ දුම්රිය හරස් මාර්ගයක දුම්රියක් නතර කරන ආකාරය සහ රියදුරු සහායකයා අසල වෙළඳසැලකින් ආහාර මිලදී ගන්නා ආකාරයයි. මෙම වීඩියෝව බොහෝ දෙනාගේ කෝපයට හේතු වී ඇති අතර, බොහෝ පරිශීලකයින් දුම්රිය රියදුරු සහ සහායකයා වගකීම් විරහිත බව කියමින් චෝදනා කරන අතර, ඔවුන්ගේ ක්‍රියාව නිසා මාර්ගයේ ගමනාගමන කටයුතු වලට බාධාවක් වුනු බවක් පවසනවා.
දුම්රිය දෙපාර්තමේන්තුවේ පැහැදිලි කිරීම
පුත්තලම දිස්ත්‍රික්කයේ වයික්කාල දුම්රිය ස්ථානයේ දී මෙම සිදුවීම සිදු වූ බව ශ්‍රී ලංකා දුම්රිය දෙපාර්තමේන්තුවේ පැමිණිලි අංශයට අප සම්බන්ධ වූ විට ඔවුන් අප සමග පැවසුවා. ඔවුන් පැහැදිලි කලේ බංගදෙණියේ සිට කොළඹ දක්වා ධාවනය වන මෙම දුම්රිය සාපේක්ෂව දිගු වන අතර එය වයික්කාල දුම්රිය ස්ථානයේ නතර කරන විට දුම්රිය හරස් මාර්ගයේදී දුම්රියේ කොටසක් මාර්ගයට විහිදෙන අතර දුම්රියේ දිග සහ දුම්රිය ස්ථානයේ සැලැස්ම අනුව මෙම අවහිර වීම වැළැක්විය නොහැකි බවයි.
මෙම සාමාන්‍ය නැවැත්වීමේදී රියදුරු සහයකගේ ආහාර මිලට ගැනීම වගකීම් විරහිත ක්‍රියාවක් නොවේ, මන්ද මෙම දුම්රිය නැවතුම්පොලේදී මේ ආකාරයට දුම්රිය නතර කිරීම දෛනික චර්යාවකි. වැඩිදුර අවබෝධයක් ලබා ගැනීම සඳහා, අපි ප්‍රදේශවාසීන් කිහිප දෙනෙකු සම්බන්ධ කර ගත් අතර, මෙය වයික්කාල දුම්රිය ස්ථානයේ සාමාන්‍ය තත්ත්වයක් බවත්, සමාජ මාධ්‍ය පෝස්ට් මගින් තත්වය වැරදි ලෙස අර්ථකථනය කර ඇති බවත් තහවුරු කළහ .
පහත සිතියමේ, දුම්රිය ස්ථානය කෙතරම් කුඩාද සහ එය මාර්ගයට කෙතරම් ආසන්නද යන්න අපට පැහැදිලිව හඳුනාගත හැකිය. Google Maps
මාධ්‍ය වාර්තා
පසුව මාධ්‍ය ආයතන කිහිපයක් සහ සමාජ මාධ්‍ය පළ කිරීම් සිද්ධියේ සැබෑ ස්වරූපය පැහැදිලි කර ඇති අතර, වීඩියෝව නොමගයවනසුලු අයුරින් පැතිර ඇති බවත් පැහැදිලි කර ඇත. දුම්රිය රියදුරු සහ සහායකයා වගකීම් විරහිත ක්‍රියාවක් සිදුකර නොමැත.
සත්‍ය තත්ත්වය පැහැදිලි කරන සමාජ මාධ්‍ය පෝස්ට් මෙතනින් සහ මෙතනින්
Also Read : Misinterpreted Video of Train Stopping at Waikkala Railway Station
අපගේ කරුණු විමර්ෂණ පිලිබඳ තොරතුරු දැන ගැනීමට එක්වන්න
Facebook | Twitter | Instagram | Google News | TikTok
Conclusion (අවසාන නිගමනය) :
ආහාර ගැනීම සඳහා දුම්රිය රියදුරෙකු වගකීම් විරහිතව දුම්රිය හරස් මාර්ගයක දුම්රියක් නැවැත්වූ බවට කරන ප්‍රකාශය අසත්‍යයකි. වීඩියෝව වැරදි ලෙස අර්ථකථනය කර ඇති අතර, මෙම සිද්ධිය වයික්කාල දුම්රිය ස්ථානයේ දෛනිකව සිදුවන දෙයකි. බංගදෙනිය දුම්රිය නතර කරන විට අර්ධ වශයෙන් මාර්ගය අවහිර වීම තාක්ෂණික ගැටළු නිසා දෛනිකව වන අතර ඒ සම්බන්ධයෙන් දුම්රිය රියදුරුට හෝ සහායකට චෝදනා කිරීම පදනම් විරහිතය.
